Гродна. Ніжняя і Верхняя цэрквы


Other, krokapp.comhttps://krokapp.by/media/

Ніжняя і Верхняя цэрквы з'яўляюцца найстарэйшымі з вядомых хрысціянскіх храмаў Гродна.

У 30-х гадах ⅩⅩ стагоддзя на тэрыторыі Старога замка праводзіліся археалагічныя раскопкі. У выніку былі знойдзены фрагменты так званай Ніжняй царквы. У ⅩⅣ – першай палове ⅩⅤ стагоддзя на яе падмурку была пабудаваная Верхняя царква. Гісторыкі мяркуюць, што пабудова Ніжняй царквы адносіцца да самага пачатку Ⅻ стагоддзя. У 1183 годзе ў будынак ударыла маланка, здарыўся моцны пажар. Пасля гэтага трагічнага выпадку храм не аднаўлялі, але сцены будынка працягвалі стаяць яшчэ доўгі час.

У ⅩⅣ стагоддзі князь Вітаўт вырашыў аднавіць Стары замак. У выніку руіны Ніжняй царквы былі засыпаны каменем і заліты вапнавым растворам для атрымання гладкай платформы. На такім падмурку ўзвялі Верхнюю царкву. Гэта быў просты будынак плошчай усяго дзевяць на дзевяць метраў, квадратнай формы. Паводле гістарычных крыніц, Ніжняя царква была прыгажэйшай і багацейшай за Верхнюю. На фасадах размяшчаліся дэкараваныя натуральныя валуны. Такія валуны расколваліся на дзве часткі, якія былі ўкладзены ў сцены і часам паліраваліся. Такая тэхналогія дазваляла ашчаджаць будаўнічы матэрыял.

Усё, што да сённяшняга дня захавалася ад Ніжняй царквы, можна ўбачыць у крытай частцы Старога замка. Тут жа захоўваюцца і часткі ад Верхняй царквы.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць