Гродна. Гродзенскі драматычны тэатр


Other, krokapp.comhttps://krokapp.by/media/

Будынак гродзенскага драматычнага тэатра лічыцца адной з самых фантастычных гродзенскіх славутасцяў.

Першыя спектаклі пачалі ставіцца ў Гродне яшчэ з канца XVIII стагоддзя. Тады ж на загад Антонія Тызенгаўза быў узведзены будынак гарадскога тэатра. Да 60-х гадоў ХІХ стагоддзя яго ўдалося пашырыць за кошт некалькіх прыбудоў. У 1940 годзе ў тэатральнага будынка з’явіўся трэці паверх.

У гэтым будынку пасля Другой сусветнай вайны пачаў працу Гродзенскі драматычны тэатр. У 1947 годзе ў адпаведнасці з пастановай Савета Міністраў БССР у Гродна быў пераведзены Бабруйскі драматычны тэатр, у выніку быў створаны Гродзенскі абласны драматычны тэатр. Высокі ўзровень гродзенскай тэатральнай культуры заклаў Мікалай Кавязін – вядомы тэатральны дзеяч, заслужаны артыст Беларусі. У 1975 годзе была праведзена маштабная рэканструкцыя тэатральнага будынка, якая дазволіла павялічыць прастору сцэны.

У 1984 годзе артысты драмтэатра пераехалі ў новы будынак. Аўтарам праекта новага будынка Гродзенскага абласнога драматычнага тэатра з’яўляецца архітэктар Генадзь Мачульскі. Цэнтральны ўваход упрыгожаны скульптурнай фігурнай групай “Пегас”, якая належыць скульптару Леаніду Зільберу. Фае дзвюх залаў упрыгожваюць насценны роспіс, скульптурна-жывапісныя кампазіцыі мастакоў і скульптараў Уладзіміра Няклюдава, Ірыны Лаўровай і Ігара Пчэльнікава. Вялікая зала з амфітэатрам і балконам можа змясціць да 702 гледачоў, а малая разлічаны на 216 месцаў.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць