Дуброўна. Свята-Траецкая царква


Other, krokapp.comhttps://krokapp.by/media/

Свята-Траецкая царква — помнік архітэктуры пачатку ХІХ ст., у якім выявіўся сінтэз архітэктуры класіцызму і прыёмаў мясцовага дойлідства.

Цагляная Свята-Траецкая царква была пабудавана ў 1809 годзе ў класічным стылі. Аднакупальны храм падоўжна-восевай кампазіцыі ўключае галоўны аб’ём, апсіду і бабінец. На фасадзе бабінца знаходзіцца званіца.

Унутры аб’ёмы храма аб’яднаны ў адзіную прастору, цэнтральная частка якой вырашана круглай ратондай на 4 слупах.

Падчас Другой сусветнай вайны праз горад праходзіла лінія фронту. У выніку практычна ўсе будынкі і збудаванні ў горадзе былі разбураныя, аднак Свята-Траецкая царква цудоўным чынам захавалася. Сёння гэты храм з’яўляецца помнікам архітэктуры дзяржаўнага значэння.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць