Гродна. Музей Максіма Багдановіча ў Гродне


Other, krokapp.comhttps://krokapp.by/media/

Музей Максіма Багдановіча быў адкрыты ў 1986 годзе ў доме, дзе ў 1892–1896 гадах пражывала сям’я славутага беларускага паэта.

Багдановічы пераехалі ў гэты дом, калі бацька паэта, Адам Ягоравіч, атрымаў пасаду ў мясцовым банку. Сям’я Багдановічаў была вельмі адукаванай і інтэлігентнай, таму іх дом стаў месцам сустрэч творчай эліты горада. Аднак пасля смерці маці паэта, Марыі Апанасаўны, Адам Ягоравіч з дзецьмі пераехаў у Ніжні Ноўгарад.

Сярод экспанатаў музея асаблівае месца займаюць асабістыя рэчы Максіма Багдановіча, яго лісты і дакументы, сямейныя фотаздымкі. Асобнае месца адведзена адзінаму прыжыццёваму зборніку вершаў паэта, які мае назву «Вянок». Таксама ў музеі захоўваюцца прадметы гарадскога побыту канца ⅩⅨ – пачатку ⅩⅩ стагоддзя, пісьмовыя сведчанні літаратурнага жыцця таго часу, творы паэтаў і пісьменнікаў Гарадзеншчыны.

Музей прадстаўлены экспазіцыйнымі заламі «Партрэтная галерэя славутых дзеячаў Беларусі», «Гродзенскі перыяд жыцця сям’і Багдановічаў», «Літаратурна-грамадскі рух у канцы ⅩⅨ – пачатку ⅩⅩ стагоддзяў», а таксама чатырма мемарыяльнымі пакоямі: кабінет бацькі паэта Адама Ягоравіча, яго маці Марыі Апанасаўны, дзіцячы пакой і гасцёўня.

Навукова-асветніцкая работа музея ўключае разнастайныя формы дзейнасці: аглядныя і тэматычныя экскурсіі, музейныя заняткі, лекцыі, творчыя сустрэчы, літаратурна-музычныя вечарыны, тэатралізаваныя экскурсіі.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць