Карэліцкі раённы краязнаўчы музей


Other, krokapp.comhttps://krokapp.by/media/

Пра тое, як раней жылі людзі ў Карэлічах, распавядзе краязнаўчы музей.

Музей створаны ў 1969 годзе. Для наведвальнікаў музей адкрыўся толькі праз пяць год. І гэтаму папярэднічала доўгая праца… Па ўсім раёне збіралі матэрыялы. Гэтую працу пачала Валянціна Клімаш, а праз год яе пераемнікам стаў Іван Шыбут. Менавіта ён і стаў стваральнікам першай экспазіцыі краязнаўчага музея і яго першым дырэктарам. Экспазіцыя пачынаецца з аповяду пра помнікі археалогіі Карэліцкага раёна. Сярод экспанатаў можна ўбачыць матэрыялы, знойдзеныя на раскопках стаянкі часоў неаліту каля вёскі Ярэмічы і гарадзішчы жалезнага веку каля вёскі Варонча. Тут таксама можна даведацца пра гісторыю краю ў сярэднявеччы. Вы пабачыце археалагічныя знаходкі з раскопак у Міры і Мірскім замку, скарб медных манет XVIII стагоддзя, рукапісныя кнігі XVIII-XIX стагоддзяў, у якіх пазначаны земляробчыя каляндарныя абрады беларусаў. Далей экспазіцыя распавядзе вам пра побыт беларускіх сялян XIX-XX стагоддзяў. Там можна ўбачыць, як жылі беларусы сто гадоў таму. У гэтай жа частцы музея знаходзяцца творы вядомых беларускіх мастакоў Карэліцкага раёну. Значны раздзел экспазіцыі музея прысвечаны падзеям, якія адбываліся на тэрыторыі раёна ў гады Другой сусветнай вайны. Сёння ў фондах музея захоўваюцца больш за 9 тысяч экспанатаў, і гэты спіс увесь час папаўняецца. Больш за тое, у музеі пастаянна адбываюцца розныя мерапрыемствы пра вядомых жыхароў Карэліцкага раёну, ладзяцца выязныя выставы.

Дата публікацыі: 08.11.2017.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць