У ХІХ стагоддзі Горы-горацкі земляробчы інстытут быў адзінай вышэйшай навучальнай установай на тэрыторыі сучаснай Беларусі.

Гісторыя ўстановы пачынаецца ў далёкім 1836 годзе, калі ў Горках адкрывалася земляробчая школа, а пазней земляробчы інстытут. Студэнты Горы-горацкага земляробчага інстытуту ўзялі ўдзел у паўстанні 1863-1864 года. З-за гэтага адзіная на беларускіх землях вышэйшая навучальная ўстанова ў 1864 годзе была закрыта. Аднавіла сваю працу толькі ў 1919 годзе. Мноства знакамітых навукоўцаў, якія займаліся аграрнымі навукамі, выйшла з гэтых сценаў. Цяпер акадэмія складаецца з вялікай колькасці старых і новых пабудоваў. Сярод пабудаваных у XIX-пачатку XX стагоддзя: адміністрацыйны корпус акадэміі, будынак бібліятэкі, навучальны корпус, дзіцячы сад, прафесарскі корпус, таксатарскі корпус, фізіка-хімічны корпус, жылы дом, у якім, між іншым, жыў і выкладаў класік беларускай літаратуры Максім Гарэцкі. Кажучы пра літаратуру, трэба адзначыць, што знакаміты твор беларускай літаратуры «Тарас на Парнасе», быў напісаны студэнтамі ў Горках.

Дата публікацыі: 12.06.2017.

---

Для зручнай навігацыі па славутасцях выкарыстайце БЯСПЛАТНУЮ мабільную праграму