Музей гісторыі Брэста быў адкрыты 25 ліпеня 1998 года. У яго экспазіцыі прадстаўлена звыш 800 экспанатаў, якія распавядаюць аб гісторыі горада са старажытных часоў.

Ідэя стварэння музея горада з’явілася яшчэ да Другой сусветнай вайны і належала настаўніку геаграфіі Мандальскаму і афіцэру Брэсцкага гарнізона Жук-Рыбіцкаму. Пасля вайны матэрыялы па гісторыі Брэста працягваў збіраць краязнаўца Алексіюк, які напісаў кнігу “Гісторыя Брэста”.

Сёння музей гісторыі Брэста знаходзіцца ў невялікім асабняку, які быў пабудаваны ў 1922 годзе паводле праекту архітэктара Юліяна Лісецкага. Пачаткова музей з’яўляўся філіялам Брэсцкага абласнога краязнаўчага музея, але з 2007 года музей Брэста стаў структурным падраздзяленнем аддзела культуры Брэсцкага гарвыканкама.

У экспазіцыі музея прадстаўлена звыш 800 экспанатаў, якія апавядаюць пра гісторыю горада ад часоў яго заснавання ў 1019 годзе. Экспазіцыя размешчана ў 4 залах. Першая зала прысвечана гісторыі старажытнага і сярэднявечнага Брэста, другая – гісторыя Брэст–Літоўска ў складзе Расійскай імперыі, трэцяя – прысвечана гісторыі Брэста-над-Бугам ў перыяд знаходжання ў складзе Другой Рэчы Паспалітай, чацвёртая зала – гісторыя Брэста савецкага перыяду.

Дата публікацыі: 10.07.2019.

---

Для зручнай навігацыі па славутасцях выкарыстайце БЯСПЛАТНУЮ мабільную праграму