Пінск. Будынак былой гімназіі


Будынак былой Пінскай гімназіі – месца навучання першага прэзідэнта Ізраіля Хаіма Вейцман.

Будынак быў узведзены ў 1853 годзе. Першапачаткова тут знаходзілася гарадская вучэльня, а пазней была адкрыта гарадская гімназія. Навучэнцы гімназіі бралі ўдзел у нацыянальна-вызваленчым паўстанні 1863–1864 гг. пад кіраўніцтвам Кастуся Каліноўскага. Гэта прывяло да таго, што расійскі ўрад панізіў ранг Пінскай гімназіі. У час знаходжання часткі беларускіх зямель у складзе ІІ Рэчы Паспалітай, з 1920 па 1939 год, Пінская гімназія працягвала дзейнічаць у якасці мужчынскай гімназіі. Сярод вядомых і знакамітых выпускнікоў гэтай гімназіі знойдуцца вучоны-хімік і першы прэзідэнт Ізраіля Хаім Вейцман, архітэктар Іван Жаўтоўскі і іншыя. З 1939 г., пасля далучэння Заходняй Беларусі да БССР, гімназія была рэарганізаваная ў сярэднюю школу. Сёння ў гэтым гістарычным будынку знаходзіцца Адзел адукацыі, спорту і турызму Пінскага гарадскога выканаўчага камітэта.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць