Петрыкаў. Васкрасенская капліца


Other, krokapp.comhttps://krokapp.by/media/

Праваслаўная Васкрасенская капліца – помнік архітэктуры ХІХ стагоддзя, уваходзіць у спіс гісторыка-культурных каштоўнасцей Рэспублікі Беларусь.

Цагляная Васкрасенская царква была ўзведзена ў 1846 годзе майстрамі з Крамянчуга (Украіна) на сродкі вернікаў. Вялікі ўнёсак у будоўлю царквы зрабіў купец Пётр Карульскі, які ахвяраваў значныя сродкі на храм. Усяго было выдаткавана 30 тысяч рублёў.

У 1929 годзе ў ходзе антырэлігійнай палітыкі савецкіх улад з купалаў Васкрасенскай царквы былі зняты званы, а будынак храма стаў выкарыстоўвацца ў якасці кінатэатра з залай для танцаў і гульняў.

У 1957 годзе па рашэнні мясцовых улад будынак Васкрасенскай царквы быў узарваны. Па словах відавочнікаў, храм узрывалі тройчы і толькі на трэці раз абрынулася званіца.

Ад зруйнаванай Васкрасенскай царквы да нашых дзён захавалася капліца, якая ўнесена ў спіс гісторыка-культурных каштоўнасцей Рэспублікі Беларусь.


Для зручнай навігацыі па славутасцях выкарыстайце БЯСПЛАТНУЮ мабільную праграму

Спампаваць Спампаваць